មិនទៀងទាត់

 

កម្សត់អ្វីម្ល៉េះ ថ្ងៃក្ដៅស្ទើរឆេះ សឹងប្រេះបែកក្បាល

ម្ដេចក៏ផ្ដាសាយ នាំកាយហេលហាល ខ្ញុំឈឺខុសកាល

ខុសគេខុសឯង។​

 

ថ្ងៃក្ដៅខ្លាំងជាក់ សូរិយាប្រែភ័ក្ត្រ​ ត្រជាក់សូរ្យសែង

សមខ្ញុំសុនត្រុន កើតគ្រុនចំបែង តាមមេឃភ្លៀងផ្សែង

ប្រែអាកាសធាតុ​។​

 

កាយមិនទៀងទាត់ មិនអាចឃាំងឃាត់ ប្រាសព្រាត់សាច់ញាតិ

កើតចាស់ឈឺស្លាប់ ជាច្បាប់ធម្មជាតិ សូមតែចាកឃ្លាត

ដោយកេរ្ដិ៍ឈ្មោះល្អ​​។

 

ថ្ងៃទី១៩ ខែមេសា ឆ្នាំ២០២៤ 

នៅរាជបណ្ឌិត្យសភាកម្ពុជា