ចម្លាក់ព្រះឥសូរមួយចំហៀងខ្លួនជាស្រីពុំសូវមានអ្នកស្គាល់

ចម្លាក់ព្រះឥសូរមួយចំហៀងខ្លួនជាស្រីពុំសូវមានអ្នកស្គាល់

អត្ថបទ៖ តន វិបុល

ភា​គ​​ច្រើន​ ​អ្នក​ដែល​ធ្លាប់​ចូល​ទស្សនា​ចម្លាក់​នា​នា​ក្នុង​សារមន្ទីរ​ជាតិ​កម្ពុជា​ ​ប្រហែល​ជា​ពុំ​បា​ន​ចា​ប់​អា​រ​ម្មណ៍​នោះ​ទេថា ទីនោះមានចម្លាក់ប្លែកជាងគេមួយចំណោមចម្លាក់ទេពផ្សេងៗក្នុងព្រហ្មញ្ញសាសនា និងព្រះពុទ្ធសាសនា នោះគឺ “ចម្លាក់ព្រះឥសូរដែលខ្លួនមួយចំហៀងខ្លួនជាស្រី”។ ចម្លាក់នោះដាក់បង្ហាញនៅចុងបំផុតនៃថែវខាងលិចមុននឹងឆ្លងទៅថែវខាងជើងក្នុងសារមន្ទីរជាតិកម្ពុជា។

បើតាមសិលាចារឹកទួលគោកព្រះ K.493 នៃខេត្តព្រៃបាននិយាយថា “ព្រះឥសូរមានព្រះកាយមួយចំហៀងជាព្រះកាយនាងឧមា”។ ចំណែកសិលាចារឹកបន្ទាយស្រី K.842 និងសិលាចារឹកបក្សីចាំក្រុង K.286 នៃខេត្តសៀមរាបបាននិយាយថា “ព្រះឥសូរនិងនាងឧមាមានព្រះកាយជាប់គ្នាតែមួយ”។ ដោយឡែកសិលាចារឹកសង្កែកោ K.232 បាននិយាយថា “ព្រះឥសូរមានព្រះកាយរួមភេទជាមួយនាងឧមា”។

សូមជម្រាបជូនថា ចម្លាក់ព្រះឥសូរដែលខ្លួនមួយចំហៀងខ្លួនជាស្រីនោះ គឺពុំសូវមានប្រជាប្រិយភាពប៉ុន្មាននោះទេ។ ម្យ៉ាងរូបចម្លាក់ទេពនេះ ក៏ពុំសូវមានច្រើនដែរ ក្រៅពីរូបចម្លាក់ដែលនាំមកពីប្រាសាទស្រងែ នៅតំបន់រលួស ស្រុកប្រាសាទបាគង ខេត្តសៀមរាប គឺមានតែ៨ទៀតប៉ុណ្ណោះ ដែលគេប្រទះឃើញ។ នេះទំនងជាហេតុនាំឲ្យពលរដ្ឋខ្មែរមួយចំនួនមិនបានស្គាល់៕

ប្រភព៖ www.yosothor.org