អំណោយ​ជូន​ពុក​ម៉ែ​

ខែ​បុណ្យទាន​ ​មានឱកាស​ ​ក្រាស់​ពេក​ក្រៃ​
​ប្រៀប​បាន​ថ្ងៃ​ ​ថ្លៃ​ពិសិដ្ឋ​ ​ដ្បិត​ជួប​ញាតិ​
​ជុំ​ម៉ែ​ពុក​ ​ទុក្ខ​រសាយ​ ​កាយ​នៅ​បៀត​
​គិត​ខ្មីឃ្មាត​ ​ឆ្លៀត​ធ្វើទាន​ ​មាន​ផល្លា​។​

​នេះ​ហៅ​គុណ​ ​មុន​ពន្លក​ ​មកលេង​ស្រុក​
​ទា​មាន់​ស្ញុក​ ​ស្ដុក​ពេញ​ដី​ ​លៃ​ស្ងោរ​ឆា​
​ហៅ​ភុំភឿន​ ​តឿន​មូល​មីរ​ ​ស៊ី​ផឹកស្រា​
​កាប់​ប្រ​ហា​ ​ឆា​មាន់​ថែម​ ​ក្លែម​ផុត​បុណ្យ​។​

​ក្រោយ​បុណ្យ​ចប់​ ​តប់ប្រមល់​ ​ខ្វល់​ពេញ​ប្រាណ​
​កូន​កល្យាណ​ ​បាន​ទៅ​បាត់​ ​ស្ងាត់​ស្លោ​ស្លន់​
​រី​ម៉ែ​ពុក​ ​ទុក្ខ​ផ្ទួនៗ​ ​ខ្លួន​ស្ទើរ​ស្កន្ទ​
​ច្រើន​បំណន់​ ​កុន​លក់​ស្រូវ​ ​ត្រូវ​សង​ស្រា​។​