ក្រុងបុរាណ Fenghuang

ក្រុងបុរាណ Fenghuang

អត្ថបទ៖ តន វិបុល

ក្រុង Fenghuang ជាទីក្រុងដ៏ចំណាស់មួយក្នុងរាជវង្សឈិងនិងឆីង នៃសាធារណរដ្ឋប្រជាមានិតចិន ដែលល្បីល្បាញខាងទេសភាពស្រស់ស្អាតបែបធម្មជាតិនោះ មកទាល់នឹងបច្ចុប្បន្ននេះ ទីក្រុងនោះហាក់ដូចជាគ្មានអ្វីប្រែប្រួលសោះ ហើយអ្វីដែលនឹងស្មានមិនដល់នោះ គឺប្រវតិ្តសាស្រ្ត វប្បធម៌ ប្រពៃណីដ៏ផូរផង់នោះ ប្រជាជនចិនអាចរក្សាបានរាប់រយឆ្នាំ។ ពិសេសនោះ គឺសំណង់អគារសុទ្ធសឹងជាស្នាដៃនិងរចនាបថដែលសល់ពីសម័យនោះ ម្យ៉ាងផ្ទះសំបែងទាំងឡើយនៅទីនោះ ក៏ពុំកែប្រែរូបរាងដែរ ដែលមានប្រជាជនជាតិភាគតិចចិនរស់នៅជាធម្មតា។ ទំនងជាហេតុផលនេះហើយមើលទៅ ទើបទីក្រុងដ៏ចំណាស់មួយនេះ ទាក់ទាញអ្នកទេសចរណ៍ឲ្យទៅទស្សនាទីនោះឥតដាច់។

សូមជម្រាបជូនថា ទីក្រុងដែលមានអាយុកាលចំណាស់រយឆ្នាំនេះ ស្ថិតនៅទីភាគខាងលិចនៃខេត្ត Hunan ហ៊ុំព័ទ្ធដោយជួរភ្នំ និងស្ថិតនៅជាប់ដងទន្លេ Tuojiang។ បើលោកអ្នកចង់ស្គាល់រសជាតិទឹកដីសាធារណរដ្ឋប្រជាមានិតចិន ក៏ដូចផ្ទះបុរាណចិនទាំងនោះ គួរតែសាកល្បងទៅលេងកម្សាន្តម្តងទៅ។

ក្រៅពីជិះទូកទស្សនាផ្ទះបុរាណ និងសម្មភាពរស់នៅរបស់ប្រជាជនចិនបុរណដែលសេសសល់មកដល់នឹងពេលបច្ចុប្បន្ននេះ ក៏នៅមានកន្លែងគួរឲ្យចាប់អារម្មណ៍ច្រើនណាស់ដែរ ដែលសុទ្ធសឹងជាកន្លែងកម្សាន្ត ដូចជាព្រះពន្លា Wengchen, ប្រាសាទ Huang Si Qiao, ព្រះវិហារបរិសុទ្ធ និងវិមាន Chao Yang ជាដើម៕