កុមារប្រើស្មាតហ្វូនពេលគេងបង្កគ្រោះថ្នាក់ដល់សុខភាពធ្ងន់ធ្ងរបំផុត

កុមារប្រើស្មាតហ្វូនពេលគេងបង្កគ្រោះថ្នាក់ដល់សុខភាពធ្ងន់ធ្ងរបំផុត

អត្ថបទ៖ តន វិបុល

តាមការសិក្សាស្រាវជ្រាវថ្មីមួយបានរកឃើញថា ការណ៍ដែលកុមារយកពេលវេលាគេងលេងស្មាតហ្វូន គឺជាកត្តាគ្រោះថ្នាក់ដល់សុខភាពក្មេងធ្ងន់ធ្ងរបំផុត។ ព្រោះថាកុមារដែលមានអាយុ៦ឆ្នាំដល់១៣ឆ្នាំត្រូវការពេលវេលាគេង យ៉ាងហោចណាស់ក៏ចន្លោះពី៩ម៉ោងទៅ១១ម៉ោងដែរ ទើបក្មេងមានកាយរឹងមាំនិងបញ្ញាល្អ។

ជុំវិញបញ្ហានេះ តាមការសិក្សាស្រាវជ្រាររបស់ដុកទ័រ Ben Carter បានឲ្យដឹងថា៖ “ពេលវេលាសម្រាករបស់កុមារ គឺមានសារៈសំខាន់ណាស់ ព្រោះជាពេលវេលាលូតលាស់ផ្នែកសុខភាពរបស់កុមារជាចាំបាច់”។ លោកបន្តថា បើមាតាបិតា ឬក៏អាណាព្យាបាលនៅតែបណ្តោយពួកគេនោះប្រព័ន្ធការពារចុះខ្សោយ ការចងចាំមិនបានល្អ ហើយសុខភាពផ្លូវចិត្តក៏កាន់តែទ្រុឌទ្រោមផងដែរ។

ក៏សូមជម្រាបជូនផងដែរថា មិនត្រឹមតែការប្រើស្មាតហ្វូននិងថេបប្លេតពេលគេងប៉ុណ្ណោះទេ ដែលបណ្តាលឲ្យសុខភាពក្មេងទ្រុឌទ្រោម សូម្បីតែការមើលទូរទស្សន៍ កុំព្យូទ័រ ឬធ្វើលំហាត់រហូតហួសម៉ោងគេង ក៏ទំនងជាហេតុផលបណ្តាលឲ្យសុខភាពកុមារចុះខ្សោយផងដែរ៕