កោះសំពៅមាសរំលេចសម្រស់កណ្តាលស្ទឹងពោធិ៍សាត់
អត្ថបទ៖ តន វិបុល
កណ្តាលស្ទឹងកពោធិ៍សាត់ ខណៈទឹកប្រៀបច្រាំងបានរំលេចចេញទិដ្ឋភាពល្អប្លែកគួរទីជាគយគន់ នោះគឺ “កោះសំពៅមាស”។ កោះនេះ មានរូបរាងចម្លែកពីកោះដទៃត្រង់ថា វាមានមាឌសណ្ឋានជាសំពៅដែលអណ្តែតលើផ្ទៃទឹកកណ្តាលស្ទឹងគួរជាទីទាក់ទាញចំណាប់អារម្មណ៍ទេសចរជាតិ និងអន្តរជាតិឲ្យទៅកម្សាន្ត ហើយម្យ៉ាងទីនោះ ក៏មានសួនធម្មជាតិផងដែរ។ ពិសេសនោះ នៅពេលទឹកឡើងកោះនេះ ហាក់អណ្តែតឡើងតាមទឹកផងដែរ។
ម្យ៉ាងអ្វីដែលគួរឲ្យចាប់អារម្មណ៍នោះគឺឈ្មោះរបស់វាដែលមានប្រវត្តិទាក់ទងទៅនឹងរឿងព្រេងទៀតផង។ បើតាមអ្នកស្រុករស់នៅទីនោះបានឲ្យដឹងថា កាលពីដើមមានសំពៅធំមួយឆ្លងកាត់ទីនោះ ហើយក៏បានជាប់កឿងនៅបាត់ស្ទឹងទៅមិនរួច។ ក្រោយមកទីសំពៅជាប់គាំងនោះ បានក្លាយជាកូនកោះតូចមួយ ដែលអ្នកស្រុកសព្វថ្ងៃហៅថា “កោះសំពៅមាស” នេះឯង។
សូមជម្រាបជូនថា បច្ចុប្បន្នទីនោះ ត្រូវបានគេអភិវឌ្ឍឲ្យក្លាយទៅជាកន្លែងទេសចរណ៍ដ៏ទាក់ទាញមួយក្នុងចំណោមតំបន់ទេសចរណ៍នានា នៅក្នុងខេត្តពោធិ៍សាត់។
ទោះយ៉ាងណា ក៏មិនភ្លេចនឹងសូមជម្រាបផងដែរថា កោះសំពៅមាសនេះមានទីតាំងស្ថិតនៅកណ្ដាលស្ទឹងពោធិ៍សាត់ ប្រមាណ១គ.ម ពីស្ពានថ្មទី១ ដោយស្ថិតនៅទាល់នឹងមុខមន្ទីរពេទ្យពោធិ៍សាត់៕
No comments:
Post a Comment