អាឡោះអាល័យ. មិត្តវិទ្យាល័យ
ថ្ងៃដែលបែកគ្នា. ឃ្លាតឃ្លារូបកាយ
ព្រាត់ឆ្ងាយវេលា. ចិន្ដានឹកនា
អស់គ្រាចងចាំ។
ប្រាយប្រាប់វេលា. ថ្ងៃដែលបែកគ្នា
អស់ជាច្រើនឆ្នាំ. ខ្លះចេញរកស៊ី
អាជីវកម្ម. ខ្លះទៀតធ្វើឆ្មាំ
ធ្វើគ្រូធ្វើស្មៀន។
ខ្លះធ្វើពលករ. ខ្លះកសិករ
កម្មករទាហាន. ខ្លះធ្វើទេព្យរោគ
រក្សាគិលាន. ខ្លះទៀតដល់ហ៊ាន
ធ្វើការស្រុកគេ។
នេះគឺរឿងពិត. រឿងបណ្ដាមិត្ត
កើតកើនលើសទ្វេ. ព្រោះតែជីវិត
ចិត្តគិតរិះរេ. ឆ្លៀតពេលទំនេរ
ជុំជួបកល្យាណ។
១៣ វិច្ឆិកា ២០១៩