កម្រងទស្សនៈល្អៗរបស់បាលហ្សាក់

កម្រងទស្សនៈល្អៗរបស់បាលហ្សាក់

អត្ថបទ៖ តន វិបុល

បាលហ្សាក់ (Balzac) ជាអ្នកនិពន្ធកាសែត រឿងល្ខោន និងជាអ្នកនិពន្ធប្រលោមលោកដ៏ល្បីល្បាញមួយរូបនៅដើមទស្សវត្សរ៍ទី១៩ ក្នុងប្រទេសបារាំង។ ផ្តើមចេញពីការចាប់អារម្មណ៍សង្កេតនិងវិភាគយ៉ាងល្អិតល្អន់ពីទិដ្ឋភាពជាក់ស្តែងដែលបានលាតត្រដាងនៅក្នុងសង្គមបារាំង បាលហ្សាក់ត្រូវបានគេចាត់ទុកថាអ្នកនិពន្ធប្រលោមលោកប្រាកដនិយមដំបូងគេបង្អស់នៅក្នុងអក្សរសិល្ប៍អ៊ឺរ៉ុប។ មិនតែប៉ុណ្ណោះនៅក្នុងអត្ថបទប្រលោមលោករបស់លោកក៏បានបង្កប់ទស្សទៈល្អៗជាច្រើន ដែលក្នុងនោះមានដូចជា៖

១. នារីក្រមុំឆោមពណ៌ប្រៀបបានទៅនឹងផ្តាក្រពុំ ឯរីប្រពន្ធខាតលក្ខ័ណប្រៀបដូចទៅនឹងផ្ការុះរោយ។

២. មួយជីវិតមនុស្សប្រុសស្លាប់រស់ព្រោះកេរ្តិ៍ឈ្មោះ ហើយមួយជីវិតមនុស្សស្រីស្លាប់រស់ព្រោោះស្នេហា។ 

៣. ទឹកចិត្តអ្នកម្តាយមានជម្រៅនិងធំធេងជាងមហាសមុទ្រទៅទៀត ហើយជានិច្ចជាកាលអ្នកតែងតែទទួលបានក្តីប្រោសប្រណីពីអ្នកម្តាយនោះគ្រប់ពេលវេលា។ 

៥. មនុស្សស្រីណាដែលហ៊ានទ្រយំចំពោះមុខមនុស្សទាំងឡាយ ក៏ព្រោះតែនាងលែងមានម្ចាស់ការលើខ្លួនឯង។ 

៦. គ្មាននរណាម្នាក់ស្រឡាញ់ស្រីដោយសារតែរូបឆោមឆ្លាតឬមិនឆ្លាតរបស់គេនោះឡើយ ប៉ុន្តយើងស្រឡាញ់ ក៏ព្រោះតែយើងស្រឡាញ់។ 

៧. ក្នុងនាមជាមនុស្សម្នាក់គួរជឿថា អាពាហ៍ពិពាហ៍គឺជាព្រលឹងអមតៈ។ 

៨. ស្រ្ដីកាលបើមានប្ដីហើយ គឺមិនខុសទៅនឹងអ្នកបម្រើនោះឡើយ គ្រាន់តែគេយកមកដាក់លើបល្ល័ង្កប៉ុណ្ណោះ។ 

៩. អត្ថន័យនៃបាវចនាភក្តីភាពប្រៀបបាននឹងគតិបណ្ឌិតដែលបម្រើប្រយោជន៍ទូទៅ ប៉ុន្តែស្មោះស្ម័គ្រតែម្នាក់គត់។ 

១០. ប្ដីប្រពន្ធត្រូវតស៊ូនឹងប្រការចង្រៃអស់ទាំងនេះ ដែលជាទម្លាប់គួរឱ្យធុញទ្រាន់។

សូមជម្រាបជូនថា លោកបាលហ្សាក់កើតនៅថ្ងៃទី២០ ខែឧសភា ឆ្នាំ១៧៩៩ ក្នុងប្រទេសបារាំង ហើយទទួលមរណភាពនៅថ្ងៃទី១៨ ខែ៨ ឆ្នាំ១៨៥០ ពោលគឺស្លាប់នៅអាយុ៥១ឆ្នាំ៕