ពិព័រណ៍សៀវភៅនៅកម្ពុជា លើកទី៥
អត្ថបទ៖ តន វិបុល
ពិព័រណ៍សៀវភៅនៅកម្ពុជា លើកទី៥ ប្រចាំឆ្នាំ២០១៦នេះ
បានបាប់ផ្តើមបើកឲ្យសាធារជនចូលទស្សនាដោយសេរី នាព្រឹកថ្ងៃទី២ ខែធ្នូ នៅក្នុងបរិវេណបណ្ណាល័យជាតិ។
ក្រោមប្រធានបទថា “បង្កើនការអាន
បង្កើនការសរសេរ”។
បើតាមប្រធានសមាគមបណ្ណារក្ស
ឯកសារវិទូកម្ពុជា និងជានាយកអង្គការ Sipar លោក ហុក សុទ្ធិ
បានឲ្យដឹងថាពិព័រណ៍សៀវភៅនៅកម្ពុជា លើកទី៥នេះ មានស្តង់ពិព័រណ៍ចំនួន៦៥ស្តង់
ពោលគឺលើសឆ្នាំទៅ១៥ស្តង់។ លោកបន្តថា ការរៀបចំពិព័រណ៍សៀវភៅឆ្នាំនេះ
គ្រោងនឹងចំណាយថវិកាចំនួនប្រមាណ១ម៉ឺន៧ពាន់ដុល្លារ។ ចំនួននេះ បើធៀបទៅនឹងកន្លងទៅ
ដែលចំណាយអស់ថវិកាត្រឹមតែ១ម៉ឺន២ពាន់ដុល្លារប៉ុណ្ណោះ ហើយចំពោះអ្នកចូលរួមទស្សនាពិព័រណ៍សៀវភៅ
ក៏កើនជាងឆ្នាំមុនផងដែរ។
មកដល់ត្រង់ចំណុចនេះ រដ្ឋមន្ត្រីក្រសួងព័ត៌មាន
លោក ខៀវ កញ្ញារិទ្ធ ដែលបានចូលរួមបើកពិធីពិព័រណ៍សៀវភៅនាឱកាសនោះដែរ
លោកបានបញ្ជាក់ថា ចំនួនការកើនឡើងស្តង់ពិព័រណ៍សៀវភៅនិងចំនួនកើនឡើងនៃអ្នកចូលទស្សនានេះ
គឺបង្ហាញការរីកចម្រើនផ្នែកវិស័យបោះពុម្ពនិងការអាននៅកម្ពុជាហើយ។
អ្វីដែលបង្ហាញឲ្យឃើញនេះ ជាការយកចិត្តទុកដាក់ពីសំណាក់អ្នកនិពន្ធ។ លោកបន្តថា ដ្បិតថា
វិស័យបោះពុម្ពចាប់ផ្តើមរីកចម្រើន ប៉ុន្តែ
អ្នកនិពន្ធនៅកម្ពុជាហាក់ដូចជាគ្មានអ្នកយកចិត្តទុកដាក់ដូចជាប្រទេសដទៃសោះ។
សូមជម្រាបជូនថា ក្នុងពិព័រណ៍សៀវភៅនោះ
ក្រៅតែពីដាក់តាំសៀវភៅលក់
ក៏មានការអញ្ជើញចូលរួមពីសំណាក់អ្នកនិពន្ធល្បីៗនៅកម្ពុជាផងដែរ៕
No comments:
Post a Comment