លាហើយគ្រូបង្រៀន

I. បួនឆ្នាំកន្លងបងប្រឹងសិក្សា                   ប្រឹងថ្នមសង្សាស្នេហាស្មោះស

   ផ្ទះជួសទឹកថ្លា វត្តដំរីស                       បងនិងស្រីល្អតែងតែផ្ដេកផ្ដិត។

II. ប្រឡងគ្រូធ្លាក់វរលក្ខណ៍បែកចិត្ត          បែកគ្មានអាណិតបំភ្លេចសង្សា

    នឹកដល់រឿងដើមដង្ហើមឈឺផ្សា            អួលណែនឱរាបាត់សុខសិរី។

R. ស្នេហាផ្ដើមឡើងនៅសើមថ្មីៗ             ស្នេហាមានន័យ ប្រែស្វិតអស់ហើយ

    រស់នៅសព្វថ្ងៃឥតរំពឹងឡើយ              ក្ដីសង្សឹមអើយត្រូវស្រីបំពាន។

III. ខ្ញុំសូមលាហើយ លាគ្រូបង្រៀន           លាស្រីស្រេកឃ្លាន ទឹកប្រាក់ដុល្លារ

     លាទាំងផ្ទះជួលកំណើតស្នេហា            លាស្រស់ជីវា លាមួយជីវិត។