ខោអាវចាស់ កាព្យព្យាង្គ៨

• ខោអាវល្អល្អិតបាំងបិទកាយ       អាក្រក់ឆើតឆាយដោយបន្លាស់

គ្រប់គ្នាត្រូវការមិនអាចខ្វះ          ស្លៀកពាក់ប្ដូរផ្លាស់តាមចិន្តា។

• កាលនៅថ្មីស្អាតមានតម្លៃ           ទិញកាត់តថ្លៃពីទីផ្សារ

ដ្បិតគេចាំបាច់ត្រូវប្រើការ           សង្គមមនុស្សាខ្វះពុំបាន។

• គេស្លៀក គេពាក់ គេបោកអ៊ុត      ខោអាវទក់ពត់ខ្ទេចខ្ទីប្រាណ

ទោះឆ្នាំងអ៊ុតក្តៅហួសប្រមាណ    ក៏ស៊ូទ្រាំបាន គេប្រើប្រាស់។

• ខោអាវហាក់ស្កកខកបំណង        ព្រោះចិត្តប្អូនបងគេប្តូរផ្លាស់

គេលែងត្រូវការខោអាវចាស់        រហែកបំណះម្ចាស់លែងរាប់៕