ប្ដីពពោះជំនួសប្រពន្ធ

• មិនអាចពពោះជំនួសប្រពន្ធ           ខួរក្បាលធ្ងន់រែកពន់លើសស្រស់ស្រី

ប្រពន្ធពពោះកូនរស់ក្នុងផ្ទៃ            ខួរក្បាលប្ដីអូនបារម្ភលាយព្រួយ។

• ឃើញបងនៅស្ងៀមមិនស្ដីវាចា      កុំស្មានថារៀមរាមិនចេះព្រួយ

ពេលទៅធ្វើការឱរាបងមួយ           រត់ជំនួយលើកស្ទួយដល់មាសមិត្ត។

• បារម្ភខ្លាចអូនមានកូនបញ្ហា           ឮអូនហាថាចុកសៀតពោះពិត

បងស្ទុះមករ៉ាវជូនទៅពិនិត្យ           ខួរបងគិតសុខទុក្ខអូននិងកូន។